सिन्धुली । दिर्घ रोगको उपचार गराईरहेका कमलामाई नगरपालिका ८ करकरेकी इन्द्रकुमारी पुलामीलाई आर्थिक सहयोग गरिएको छ ।
नेकपा माओवादी केन्द्रका केन्द्रीय सदस्य तथा संघिय सांसद राजन दाहालले शुक्रबार पुलामीलाई आर्थिक सहयोग प्रदान गर्नुभएको हो ।
विपन्न परिवारकी पुलामी दिर्घरोगका कारण उपचार गराईरहनु भएको छ । उहाँको उपचारका लागि सहयोग पुगोस भन्ने उद्देश्यले नेकपा माओवादी केन्द्र सिन्धुलीले स्थापना गरेको विपन्न राहत कोषबाट दश हजार रुपैयाँको चेक प्रदान गरिएको हो ।
माननिय दाहालले कार्यालयमै पिडित इन्द्रकुमारीका छोरा सन्जिव पुलामीलाई दश हजार रुपैयाँको चेक हस्तान्तरण गर्नु भएको नेकपा माओवादी केन्द्र कमलामाई नगर कमिटिका सचिव चन्द्रनाथ गौतमले जानकारी दिनु भयो ।
माननिय दाहलकै पहलमा स्थापना गरिएको कोषबाट यस अघिपनी विपन्न तथा दिर्घ रोगीहरुको उपचारार्थ सहयोग प्रदान गर्दै आइएको छ ।
