बागमतीमा अब नेपाल र तामाङ भाषा सरकारी कामकाजीको भाषा

सिन्धुली । वागमती प्रदेश सरकारका प्रवक्ता गंगानारायण श्रेष्ठले प्रदेशमा अब सरकारी कामकाजी भाषाको रुपमा नेपाल र तामाङ भाषालाई भोली २४ गते सोमबार गतेदेखि प्रयोगमा ल्याइने बताएका छन ।
सोमबार वैशाख २४ गते बिहान ९ बजे काठमाडौँको वसन्तपुरमा प्रधानमन्त्री पुष्पकमल दाहालले उद्घाटन गरेसंगै वाग्मतीमा नेपाल र तामाङ भाषा अब सरकारी कामकाजी भाषाका रुपमा सबै सरकारी कार्यालयमा प्रयोगमा ल्याइने श्रेष्ठले जानकारी दिए ।
उक्त भाषाको सुभारम्भ समारोहमा सोमबार काठमाडौँको वसन्तपुरमा बिहान ७ बजे विभिन्न वेषभूषा र झाँक्रीसहित ¥याली सहित काठमाडौँ नगरको परिक्रममा गर्ने कार्यक्रम तय गरिएको समेत बताए ।
यस्तै प्रदेश सरकारले प्रदेशमा नेवाः (नेपाल) तामाङ भाषा सरकारी कामकाजको भाषा प्रयोगमा ल्याइएको खुसियालीमा सो दिन प्रदेशभर सार्वजनिक बिदा दिने निर्णय गरिएको प्रदेश सरकारका प्रवक्ता एवं आन्तरिक मामिला तथा कानुनीमन्त्री समेत रहेका श्रेष्ठले बताए ।
वाग्मती प्रदेशसभाको केही महिनाअघि बसेको बैठकले प्रदेशमा सरकारी कामकाजको भाषाका रुपमा नेवारी र तामाङ भाषाको विधेयक पारित गरेको थियो ।
उक्त अवसरमा प्रदेश सरकारले प्रदेश भरी सार्वजनिक विदा समेत दिएको छ ।