सिन्धुुलीमा लागु औषध बोकेको ट्रक सहित दुई जना पक्राउ

सिन्धुली । सिन्धुलीमा प्रतिबन्धीत लागुऔषध ओसार पसारमा प्रयोग भएको ट्रक सहित दुई जना पक्राउ परेका छन ।
जिल्ला प्रहरी कार्यालय सिन्धुलीका अनुसार सर्लाहीबाट काठमाण्डौं तर्फ जाँदै गरेको प्र.३–०१–००५ख ९२०५ नम्बरको ट्रक र उक्त ट्रकका चालक हरिवन नगरपालिका ३ सर्लाही बस्ने वर्ष २९ को किरण लामा र सहचालक लालबन्दी नगरपालिका ७ सर्लाही बस्ने वर्ष २६ को मुन्ना शेखलाई पक्राउ गरिएको हो ।
उनिहरुलाई विपी राजमार्ग अन्तरगत कमलामाई नगरपालिका ४ हिरापानी चेक पोष्टमा खटिएको प्रहरी टोलीले चेकजाँच गर्नेक्रममा ट्रकमा सहचालक मुन्ना शेख बसेको सिटको अगाडी ड्यास बोर्ड भित्र रहेको रातो प्लाष्टिक भित्र लागू औषध गाँजा जस्तो देखीने वस्तु २६ ग्राम र सोही प्लाष्टिक भित्र लागू औषध नेट्राभेट १० लेखिएको ट्याबलेट सहित पक्राउ गरिएको सिन्धुलीका प्रहरी प्रमुख गोविन्दराज काफ्लेले जानकारी दिए ।
थप अन्य दुई बोतलमा समेत लागु औषध बरामद गरिएको छ । उक्त बरामद भएको लागू औषध, गाडी सहित चालक र सहचालक समेतलाई रितपुर्वक पक्राउ गरी सिन्धुली अदालत सिन्धुलीबाट ५ दिनको म्याद लिई अनुसन्धान भईरहेको समेत प्रहरी प्रमुख काफ्लेले बताए ।