तीनपाटन गाउँपालिकाको बजेट ८१ करोड ५० लाख

सिन्धुली । सिन्धुली जिल्लाको तिनपाटन गाउँपालिकाले आगामी आर्थिक वर्ष २०८१÷०८२ का लागि ८१ करोड ५० लाख रुपैयाँको बजेट सहित निति तथा कार्यक्रम सार्वजनिक गरेको छ ।
सोमबार गाउँपालिकाको १४ औं गाउँ सभामा अध्यक्ष कर्णबहादुर थापाले वार्षिक निति तथा कार्यक्रम र उपाध्यक्ष धनबहादुर पुलामी (अशोक) ले बजेट सार्बजनिक गरेका हुन् ।
गाउँपालिकाले आगामी आर्थिक वर्ष कृषि, पशुपंक्षि, सिप विकास र रोजगार, शिक्षा, स्वास्थ्य र खानेपानीलाई प्राथमिकतामा राखेको छ ।
यस्तै पूर्वाधार विकास संगै आयुर्वेद, बहुक्षेत्रीय पोषण प्रवद्र्धन र सामाजिक सुरक्षा, खानेपानी र सरसफाइ, खेलकुद, वन तथा वातावरण, विपद व्यवस्थापन, संथागत विकास तथा सेवा प्रवाहलाई समेत कार्यक्रममा प्राथमिकता राखिएको अध्यक्ष थापाको भनाई छ ।
सोही निति तथा कार्यक्रम लाई प्राथमिकतामा राखेर संघिय सरकार, प्रदेश सरकारको ससर्त अनुदान सहित कुल ८१ करोड ५० लाख ३५ पैसा बराबरको आय÷व्यय अनुमान सार्वजनिक गरिएको उपाध्यक्ष पुलामीले जानकारी दिए ।
यस्तै तीनपाटन गाउँपालिकाको विनियोजन विधेयक २०८१, तीनपाटन गाउँपालिकाको आर्थिक विधेयक २०८१ लाई सर्वसम्मतरुपमा पारित गर्दै १४ औं गाउँ सभा तथा अधिवेशन सम्पन्न भएको प्रमुख प्रशासकीय अधिकृत पदमा बहादुर बस्नेतले जानकारी दिए ।