सिन्धुलीका पालिकाको वित्तिय प्रगती ८५ प्रतिशत लत

सिन्धुली  । सिन्धुलीका स्थानीयतहको वित्तिय प्रगती ८५ प्रतिशत तलमात्रै भएको पाइएको छ ।
पालिकाहरुले चालु आर्थिक वर्ष २०८०÷०८१ मा गरेका वित्तिय प्रगतीको विवरणले यस्तो देखाएको हो ।
जिल्लाको कमलामाई नगरपालिकाले चालु आर्थिक वर्षको अन्तिम सम्ममा ७९ दशमलव २३ प्रतिसतमात्र खर्च गरेको छ । पालिकाको बजेट तथा खर्च विवरण सार्वजनिक गर्दै चालु तर्फ ८९ दशमलव ८२ प्रतिसत र पँुजिगत तर्फ ६६ दशमलव ९६ प्रतिसतमात्र खर्च गरेको जनाएको छ ।
नगरपालिकाले वित्तीय तर्फको ३ करोड ६६ लाख ६७ हजार २ सय ३ रुपैयाँ ७४ पैसा बजेट विनियोजन गरेकोमा खर्च गर्न सकेको छैन् ।
चालु तर्फ ८७ करोड ३ लाख ५१ हजार विनियोन गरिएको ७८ करोड १७ लाख ८४ हजार ८ सय ४५ रुपैयाँ खर्च गरेको छ । पुँजिगत तर्फ ५१ करोड ४० लाख ९० हजार विनियोज गरिएकोमा ३४ करोड ४२ लाख ८५ हजार ७ सय ३७ रुपैयाँमात्र खर्च भएको प्रमुख प्रशासकीय अधिकृत सुमनकुमार कार्कीले जनाए ।
हरिहरपुरगढी गाउँपालिकाले चालु आर्थिक बर्ष २०८०÷०८१ मा विनियोजित कुल बजेटको ७७ दशमलव ७० प्रतिशत मात्रै खर्च गरेको छ ।
गाउँपालिकाले चालु आर्थिक बर्षको लागि कुल ५५ करोड ९८ लाख २५ हजार ३१ रुपैयाँ विनियोजन गरेकोमा ४३ करोड ४० लाख ४३ हजार ८ सय १२ रुपैयाँ १६ पैसा अर्थात ७७ दशमलव ६० प्रतिशत खर्च भएको जनाएको छ ।
गाउँपालिकाले आधिकारीक पेजबाट १ बर्षको वित्तीय प्रगति सार्वजनिक गरेको थियो । हरिहरपुरगढी गाउँपालिकाका प्रमुख प्रशासकिय अधिकृत दिपेन्द्र कुमार पैकरा द्धारा हस्ताक्षरित वित्तीय प्रगतिमा चालु तथा पुँजिगत खर्च तर्फ विनियोजित कुल बजेट र हालसम्मको कुल खर्च सार्वजनिक गरिएको छ ।
जसमा चालु तर्फ ४० करोड ९५ लाख १५ हजार ४ सय २६ रुपैयाँ विनियोजन गरिएकोमा ३२ बरोड ५५ लाख २३ हजार २ सय ८८ रुपैयाँ १६ पैसा अर्थात् ७० दशमलव ४८ प्रतिशत खर्च भएको जनाइएको छ ।
पुँजिगत तर्फ १५ करोड ३ लाख ९ हजार ६ सय ५ विनियोजन भएकोमा १० करोड ९४ लाख २० हजार ५२४ रुपैयाँ अर्थात ७२ दशमलव ८ प्रतिशत खर्च भएको छ ।
तिनपाटन गाउँपालिकाले चालु आर्थिक वर्षको अन्तिमसम्ममा जम्मा ८३ दशमलव ६५ प्रतिसतमात्र खर्च गरेको छ ।
गाउँपालिकाले मंगलबार एक विवरण सार्वजनिक गर्दै चालु आर्थिक वर्ष २०८०÷०८१ मा कुल बजेटको ८३ दशमलव ६५ प्रतिसत खर्च गरेको हो ।
गाउँपालिकाका प्रमुख प्रशासकीय अधिकृत पदम बहादुर बस्नेतका अनुसार कुल ८९ करोड ६ लाख ६७ हजार २ सय २८ रुपैयाँ ६६ पैसा मध्ये चालु आर्थिक वर्षको अन्तसम्ममा ८३ दशमलव ६५ प्रतिसत अर्थात ७४ करोड ५० लाख ६४ हजार ४ सय ५२ रुपैयाँ ८८ पैसा खर्च गरेको हो ।
गाउँपालिकाले सार्वजनिक गरेको वित्तिय प्रगति विवरण अनुसार चालु तर्फ ८७ दशमलव ५२ र र पुँजिगत तर्फ ७२ दशमलव ५७ प्रतिसत खर्च भएको छ । यो चालु र पूजिगत तर्फ ८३ दशमलव ६५ प्रतिसत हो ।
चालु आर्थिक वर्षका लागि गाउँपालिकाले ६६ करोड ३ लाख ३५ हजार २ सय ८८ रुपैयाँ ६६ पैसा विनियोजन गरेकोमा ५७ करोड ७९ लाख ४ हजार ९ सय ४४ रुपैयाँ ९७ पैसा खर्च भएको छ ।
यस्तै सनुकोसी गाउँपालिकाको वित्तिय विवरण पनि उस्तै रहेको । जिल्लाको दुुधौली नगरपालिका, मरिण गाउँपालिका, गोलन्जोर गाउँपालिका, फिक्कल गाउँपालिका र घ्याङलेख गाउँपालिकाले वित्तिय विवरण सार्वजनिक गरेका छैनन् ।