सिन्धुली । नेकपा माओवादी केन्द्र सिन्धुलीका जिल्ला कमिटि सदस्य नरबहादुर रजनमगर एमाले पार्टीमा प्रवेश गरेका छन् ।
बुधबार सिन्धुलीमाढीमा आयोजित एक कार्यक्रमका विच रजनमगर एमालेमा प्रवेश गरेका हुन् ।
माओवादी केन्द्र सिन्धुलीका नेता रजनमगरलाई एमाले स्थायी कमिटी सदस्य तथा बागमती प्रदेश इन्चार्ज डा.राजन भट्टराईको हातबाट टिका ग्रहण गर्दै एमालेमा प्रवेश गराइएको हो ।
रजनमगर माओवादी केन्द्र सिन्धुली जिल्ला कमिटी सदस्य तथा सहिद दलबहादुर रजनमगरको छोरा हुन् ।
यस्तै राप्रपा नेपाल पार्टीका फडिन्द्र बहादुर ठकुरी पनि एमाले प्रवेश गरेका छन् ।
तीनकन्याका ठकुरीले राप्रपा नेपाल परित्याग गर्दै एमाले प्रवेश गरेका हुन् ।
नव प्रवेशीहरुलाई नेकपा एमालेमा प्रवेश गराउँदै कार्यक्रमका प्रमुख अतिथि डा.राजन भट्टराईले पुरानै घर फर्केकोमा राजन र ठकुरीलाई धन्यावाद दिँदै एमालेको विकल्प नरहेको बताए ।
नेकपा एमाले जनताको पार्टी हो, राजनीति स्वार्थ रहित हुनुपर्ने बताउँदै सबै जुझारु, विकास प्रेमी र शान्ति चाहने हरूलाई एमालेमा गोलबन्द हुनसमेत आग्रह गरेका थिए ।
यसैविच आजै एमाले सिन्धुलीको पार्टी कार्यात्रलयमा एमाले सिन्धुलीको जिल्ला कमिटिका सदस्य तथा विभिन्न कमिटिलाई सपथग्रहण समेत गराइएको छ । उक्त कार्यक्रम अघि पत्रकार सम्मेलनको समेत आयोजना गरिएको थियो ।
