सिन्धुलीमा चोरीको मोटर साइकल सहित दुई पक्राउ

सिन्धुली । सिन्धुलीको सुनकोसी गाउँपालिका १ दुम्जाबाट चोरीको मोटर साइकल सहित दुई पक्राउ परेका छन् ।
बिपी राजमार्गस्थित सुनकोशी गाउँपालिका १ दुम्जामा चेक जाँच गर्नेक्रममा चोरीको मोटरसाइकल सहित रौतहटको बोधिमाई नगरपालिका १ बस्ने १९ वर्षीय बिशम्बर साह कलवार र रौतहटको बोधिमाई नगरपालिका ८ का १८ वर्षका सुरज कुमार गोसाईलाई प्रहरीले पक्राउ गरेको हो ।
काठमाडौँबाट सिन्धुली आउँदै गरेको बा.प्र.०२–०२७ प १३७६ नम्बरको मोटरसाइकल चेकजाँच गर्दा उक्त मोटरसाइकल चोरी भएकाले नियन्त्रणमा थप अनुसन्धानको लागी ललितपुरको प्रहरी वृत्त सात दोबाटो पठाइएको जिल्ला प्रहरी कार्यालय सिन्धुलीका डिएसपी अनिल कुमार खड्काले जानकारी दिए ।