सिन्धुली । नेकपा (एमाले) जिल्ला कमिटी सिन्धुलीको चौथो पूर्ण बैठक जिल्लाको दुधौली नगरपालिकामा सुरु भएको छ ।
नेकपा एमाले सिन्धुलीका अध्यक्ष महेन्द्रदेव श्रेष्ठको अध्यक्षता तथा नेकपा एमालेका स्थायी समिति सदस्य तथा प्रचार विभाग प्रमुख राजेन्द्र गौतमको प्रमुख आतिथ्यतामा बैठक सुरु भएको हो ।
दुधौली नगरपालिका ९ स्थित सभा हलमा आयोजित बैठकमा नेकपा एमालेका केन्द्रीय सदस्यहरु गणेश पहाडी, मनोजजंग थापा, कमलाजंग राई, विषमलाल अधिकारी, उमा कोइराला, सुवास देबकोटा, निरुकुमारी कुवर लगायत केन्द्र, प्रदेश र जिल्ला कमिटिका पदाधिकारी तथा सदस्यहरुको सहभागिता रहेको छ ।
बैठकमा एमालेका जिल्ला कमिटि पदाधिकारी तथा सल्लाकार परिषद समिति, लेखा समितिका पदाधिकारीहरुको समेत सहभागिता रहेको छ ।
बैठकमा पार्टीको नियमिति गतिविधि, संगठन सुदृढीकरण, राजनितिक तथा बैचारीक कार्यदिशा लगायत समसामयिक विषयमा छलफल हुने नेकपा एमाले सिन्धुलीका अध्यक्ष महेन्द्र देव श्रेष्ठले जानकारी दिनुभयो ।
दुई दिनसम्म संचालन हुने बैठकको ब्यबस्थापन नेकपा एमाले दुधौली नगर कमिटीले गरेको छ ।
