सिन्धुली । सिन्धुलीका दुई सामुदायिक विद्यालयका विपन्न विद्यार्थीहरुलाई ट्रयाकसुट र झोला वितरण गरिएको छ ।
जिल्लाको तीनपाटन गाउँपालिका ५ मा रहेको श्री कालिका मावि लंगुर छविसे र आधारभुत विद्यालय लंगुर नर्कटेका विद्यार्थीहरूलाई ट्रयाकसुट र झोला वितरण गरिएको हो ।
सिन्धुलीमाढीमा रहेको भगवती अंग्रेजी आवशिय माविको सहयोगमा कालिका मावि लंगुर छविसेका १ सय ६२ जना र आधारभुत विद्यालय लंगुर नर्कटेका ४३ जना विद्यार्थीहरुलाई ट्रयाकसुट वितरण गरिएको छ ।
यस्तै कोबे ईन्टरनेश्नल एजुकेसन सेन्टर (केआइइसि) सिन्धुलीको सहयोगमा कालिका मावि लंगुर छविसेका ५० जना र आधारभुत विद्यालय लंगुर नर्कटेका ४१ जना विद्यार्थीहरुलाई विद्यालय झोला वितरण गरिएको हो ।
श्री कालिका मावि लंगुर छविसेमा आयोजित एक कार्यक्रममा बागमती प्रदेश सरकारका उद्योग, बाणिज्य, भुमि तथा प्रशासन मन्त्री शुक माया तामाङले विद्यार्थीहरुलाई ट्रयाकसुट र झोला वितरण गरेकी हुन् ।
कालिमा मावि लंगुर छविसेका विद्यालय व्यवस्थापन समितिका अध्यक्ष सिद्धि बहादुर कटुवालको अध्यक्षतामा भएको कार्यक्रममा मन्त्री तामाङले सामुदायिक विद्यालयको शिक्षा सुधारमा भौतिक पूर्वाधारमा मात्र नभएर विद्यार्थीको मनोवलसमेत बृद्धि गर्नु पर्ने बताईन् । उनले विपन्न बालबालिकाहरुलाई सहयोगी हातहरुबाट प्रदान गरिएका यस्ता सहयोगले हौसला मिलेको उल्लेख गर्दै प्रदेश सरकारले समेत शैक्षिक सुधारकाका आवश्यक सहयोग गर्ने बताईन् ।
विद्यार्थीरूलाई ट्रयाकसुट वितरण गर्दै भगवती आवशिय अंग्रेजी मावि सिन्धुलीका प्रिन्सिपल कृष्ण कुमार उप्रेतीले विद्यालयको सामाजिक उत्तरदायीत्व कार्यक्रम अन्तरगत सामुदायिक विद्यालयका विपन्न बालबालिकाहरुलाई ट्रयाकसुट वितरण गरिएको बताए ।
उनले सोही कार्यक्रममा अवको शिक्षा संस्कार सहितको हुनुपर्नेमा समेत जोड दिए । ‘परिवारले बालबालिकालाई शिक्षा संगै संस्कार पनि सिकाउनुपर्छ । संस्कार भनेको सिप पनि हो । सिपलाई प्रविधिसंग जोड्न सकेमात्र हरेक विद्यार्थीले सिक्ने
र भविष्यमा विक्न सक्ने पछिल्लो समय शिक्षा क्षेत्रमा राजनीतिक दबदभा बढ्दै गएको प्रति चिन्ता व्यक्त गदैृ उप्रेतीले राजनितिकै कारण सरकारी विद्यालयको गुणस्तर खस्किदै गएको बताए ।
कोबे ईन्टरनेशनल एजुकेसन सेन्टरका प्रबन्धक निसान बुढाथोकीले आफुले पढेको विद्यालयका बालबालिकालाई सानो भए पनि सहयोग गर्न पाउँदा हर्षित भएको बताए । उनले कालिका माविका विपन्न बालबालिकाहरुलाई सहयोग गर्न विद्यालयले घोषणा गरेको अक्षयकोषमा १ लाख १ हजार सहयोग गर्ने बताए । उनले केआइइसिका तर्फबाट यसै शैक्षिक शत्रभित्र जिल्लाका अन्य ५ वटा विद्यालयका विद्यार्थीहरुलाई समेत झोला वितरण गर्ने तयारी गरिएको बताए ।
कालिका मावि लंगुर छविसेका विद्यालय व्यवस्थापन समितिका अध्यक्ष सिद्धि कटुवालले विद्यालयले घोषणा गरेको अक्षयकोषमा हालसम्म १७ जनाबढीले सहयोग गरेको उल्लेख गर्दै विद्यालयका विपन्न विद्यार्थीहरुलाई ट्रयाकसुट र झोला वितरण गर्न सहयोग गर्ने दुबै सहयोगी निकायप्रति आभार व्यक्त गरे ।
