कवि तथ गीतकार बाबुराम श्रेष्ठ यात्रीको नयाँ गीत ‘खोज्दा नि आफुलाई भेटाउन सकिन’ बोलको गीत सार्वजनिक

सिन्धुली । सिन्धुलीका कवि तथ गीतकार बाबुराम श्रेष्ठ यात्रीको नयाँ गीत ‘खोज्दा नि आफुलाई भेटाउन सकिन’ बोलको गीत सार्वजनिक भएको छ ।
गीतले दार्शनिक रुपमा आत्म–पहिचानको खोज, जीवनको कठोरता, र आशा–निराशाबीचको संघर्ष प्रस्तुत गरेको छ ।
उक्त गितमा कवि तथा गीतकारले जीवनलाई यथार्थ रूपमा चित्रण गरेका छन्, जहाँ निरन्तर संघर्ष हुन्छ, त्यहाँ जिवनमा केही पाउने आशा हुन्छ भन्ने यतार्थलाई गित र संगितमा वर्णन गरिएको छ । यथार्थपरक दार्शनिक भाव समेटिएको गीतमा बाबुराम श्रेष्ठ यात्रीको शब्द, राजु सिंहको सङ्गीत गायक रामकृष्ण ढकालको स्वर र फनिन्द्र राइको एरेञ्ज रहेको छ ।
पर्पल रेकर्डिङ स्टुडियोमा कृपल गुरुङको रेकर्डिङ र सुमन खड्काको गीतमा मिक्सिङ रहेको छ । यसको म्युजिक भिडियो अनिल स्थापितले बनाएका छन् ।
सिन्धुलीको मरिण गाउँपालिका ७ स्थित मावि कपिलाकोट तथा मरिण बुहमुखी क्याम्पसका अध्यापक कवि तथा गीतकार श्रेष्ठले यो भन्दा पहिले पनि गीतकार तथा कवि श्रेष्ठले ‘जिवन’, ‘तिम्रो मीठो मुस्कान’, ‘तमासाको खेल’ र ‘माया कहिले मर्दैन’ जस्ता गीत दर्शक र श्रोता माझ पस्की सकेका छन् ।
भर्खरै सार्वजनिक नयाँ गीत म्युजिक नेपाल अन्तरगत नेपाली आधुनिक गित युट्युब च्यानलबाट सार्वजनिक गरिएको हो ।
कवि तथा गीतकार श्रेष्ठले यस अघि २०६३ मा ‘देश स्वप्न’ र २०७८ मा ‘बुढो समय’ भन्ने कविता संग्रह प्रकाशन गरि सकेका छन् ।
पछिल्लो समय दर्शक तथा स्रोता माझ ल्याउनु भएको ‘खोज्दा नि आफुलाई भेटाउन सकिन’ बोलको गीत निक्कै मनपाइएको छ । उक्त गितको शब्द तथा सुमधुर संगीतले श्रोताहरुको मनछुने विश्वास गरिएको छ ।