सिन्धुली । नेपालमा सामान्यतया राजनीतिक तहमा ‘लिडर’ छान्न प्राय चुनाव हुने गर्दछ । राजनीतिक पार्टी तथा भातृ सँगठनको नेतृत्व छनौट लोकतान्त्रीक पद्धती अनुसार निर्वाचन बाट गरिँदै आएको छ ।
तर, सिन्धुलीको मरिण गाउँपालिका ४ मा रहेको मावि मरिण खयरसालले क्याप्टेन (प्रमुख) सहायक क्याप्टेन (उपप्रमुख) को छनौट निर्वाचन मार्फत गराएको छ ।
विद्यालयमा केही समयदेखि रिक्त रहेको क्याप्टेन र सहायक क्याप्टेन पदमा विद्यार्थीहरुले शुक्रबार मतदान गरेर छनौट गरेको विद्यालयले जनाएको छ ।
शिक्षण सिकाइ क्रियाकलापलाई समेत सहज हुने गरी विद्यालयले मरिण गाउँपालिकाको शिक्षा शाखासंग सहयोग लिई निर्वाचन प्रकृयाबाट एक वर्षका लागि क्याप्टेन र सहायक क्याप्टेन छनौट गरेका हुन् ।
विद्यालयका कक्षा ६ देखि ११ सम्मका २ सय ३७ विद्यार्थीले मतदान गरेर आफ्नो विद्यालयमा क्याप्टेन र सहायक क्याप्टेनको छनौट गरेका विद्यालयका प्रद्यानाध्यापक मानध्वज बम्जनले जानकारी दिए ।
विद्यालयको क्याप्टेनका लागि ६ जना र सहायक क्याप्टेनका लागि ६ जना गरी १२ जनाको उमेद्वारी परेको थियो । उनिहरु मध्ये उत्कृष्ट १ सय २२ मत सहित कक्षा १० की छात्रा पुष्पा मैनाली क्याप्टेनमा निर्वाचित भएकी छिन् । उनको निकटतम प्रतिस्पर्धी अजय बम्जनले ७१ मत पाएका थिए ।
यस्तै सहायक क्पाटेनमा कक्षा १० का छात्र लासाङ घलान निर्वाचित भएका छन् । उनले १ सय १६ मत पाए भने उनका निकटतम प्रतिस्पधी सौरभ कार्कीले ८६ मत प्राप्त गरे ।
विद्यालयले हाउस क्याप्टेन समेतको छनौट गरेको छ । विद्यालयमा सहमतिबाटै क्याप्टेन र सहायक क्याप्टेन छनौट प्रयास गरिएको भएपनि आकांक्षीहरु धेरै भएको र विद्यार्थीले नै लोकतान्त्रीक पद्धती अपनाउन आग्रह गरेपछि निर्वाचन प्रकृयाद्धारा छनौंट गरिएको सो निर्वाचनको मतदान अधिकृत समेत रहेका प्रद्यानाध्यापक बम्जनको भनाई छ ।
कुल खसेको मत मध्ये सबै भन्दा बढी मत ल्याउने उमेदवार विद्यार्थीलाई निर्वाचित घोषीत गरिएको सहकाय निर्वाचन अधिकृत तथा शिक्षक गिता घिमिरेको भनाई छ । निर्वाचनमा खसेको २ सय ३७ मत मध्ये १० मत बदर भएको थियो ।
विद्यार्थीहरुमा प्रजातान्त्रिक व्यवस्था अनुसार आफुले चाहेको लिडर कसरी छान्ने भन्नेकुराको नमुना प्रस्तुत गर्न यसरी निर्वाचन आयोजना गरिएको विद्यालयका व्यवस्थापन समितिका अध्यक्ष टिकाराम स्याङ्तानले जानकारी दिए । ‘विद्यार्थीलाई सानैदेखि कस्तो व्यक्ति छान्ने भन्ने ज्ञान होस र कसरी अनुशासित र अब्बल नेतृत्व छान्न सकिन्छ भन्ने जान्नका लागि निर्वाचनले मद्धत गर्ने छ भने यस्ता कृयाकलापले राष्ट्रिय स्तरका निर्वाचनमा समेत सही नेतृत्व छान्न सहयोग पुग्ने अपेच्छा लिइएकोछौं,’ अध्यक्ष स्याङ्तानले भने ।
सबै निर्वाचित विद्यार्थीहरुलाई उनीहरुको जिम्मेवारी तथा प्रमाण पत्र एक औपचारिक कार्यक्रममार्पmत उपलब्ध गराइने बताइएको छ । मावि मरिण खयरसाल मरिण गाउँपालिकाकै उत्कृष्ट विद्यालयका रुपमा परिचित छ ।
