राजन गाउँले सिन्धुली । कमलामाई नगरपालिका, वडा नं. का ४९ वर्षीय भीमबहादुरलाई स्वास्थ्य चौकीबाट कुन कुन औषधी निःशुल्क उपलब्ध हुन्छन् भन्ने जानकारी नहुँदा लामो समय अघिदेखि मेडिकल हलमा पुगेर औषधी किन्ने गर्नुहुन्थ्यो । तर, युवा नागरिक अंकपत्र कार्यान्वयनको क्रममा लक्षित समूह छलफलमा सहभागिता जनाएपछि मात्र उहाँले स्वास्थ्य चौकीबाट ९१ प्रकारका औषधीहरु निःशुल्क उपलब्ध हुन्छन् भने प्राथमिक स्वास्थ्य केन्द्र र जिल्ला अस्पतालमा ९८ किसिमका औषधी निःशुल्क प्राप्त हुने जानकारी पाउनुभयो । सिद्धबाबा मा.वि. पानीट्यांकीका शिक्षक अभिलाषा कोइरालालाई विद्यालयमा उपलब्ध शौचालय सुविधा पर्याप्त नै छन् भन्ने धारणा थियो । युवा अंकपत्र कार्यान्वयनका क्रममा भएको लक्षित समूह छलफलमा छात्राहरुले उठाएका समस्याले उहाँलाई झस्कायो…
