सिन्धुलीमाढीमा कमलामाई नगरपालिको चौँथो नगरस्तरीय मेयर उपमेयर कप भलिबल प्रतियोगिता सुरु भएको छ । आइतबारबाट सुरु भएको प्रतियोगितामा नगरका ९ वटा वडाको सहभागिता रहेको छ । प्रतियोगिताको उद्घाटन खेलमा वडा नम्बर ५ र ७ बिच प्रतिष्पर्धा हुँदा वडा नम्बर ७ बिजयी भएको कमलामाई नगर खेलकुद विकास समितिका अध्यक्ष लोक बिक्रम थापाले जानकारी दिनुभयो ।
दोस्रो प्रतियोगितामा वडा नम्बर २ र ३ बिच भएको खेलमा वडा नम्बर २ विजयी भएको थियो भने तेस्रो प्रतियोगितामा वडा नम्बर १० र वडा नम्बर १ बिच भएको खेलमा वडा नम्बर १० विजयी भएको थियो ।
चौँथो प्रतियोगितामा वडा नम्बर ९ र ११ बिच भएको प्रतिष्पर्धामा ९ नम्बर वडाले ११ नम्बरलाई हराएको आयोजकले जनाएको छ ।
त्यस्तै आजै भएको सेमिफाइनल प्रतियोगितामा वडा नम्बर ७ र वडा नम्बर २ बिच भएको प्रतिष्पर्धामा वडा नम्बर ७ बिजयी हुँदै फाइनलमा प्रवेश गरेको छ भने दास्रो सेमिफाइनल प्रतियोगितामा वडा नम्बर १० र वडा नम्बर ९ बिच भएको प्रतिष्पर्धामा ९ नम्बर वडालाई हराउँदै वडा नम्बर १० फाईनलमा प्रवेश गरेको अध्यक्ष थापाले जानकारी दिनुभयो ।
प्रतियोगिताको फाइनलमा वडा नम्बर ७ र वडा नम्बर १० बिच प्रतिष्पर्धा गर्ने भएको छ । यस्तै प्रतियोगितामा महिला तर्फको भलिवलका सबै प्रतिस्पर्धा सोमबार हुनेछन ।
प्रतियोगिताको फाइनल खेल चैत ४ गते गते खेलाइने आयोजकले जनाएको छ । भलिबल प्रतियोगिताको विजेतालाई ६० हजार नगद, मेडल, शिल्ड र प्रमाणपत्र प्रदान गरिने छ भने उपविजेतालाई ४० हजार नगद, मेडल, शिल्ड र प्रमाणपत्र प्रदान गरिने छ ।
