सिन्धुली । बीपी राजमार्ग अन्तरगत सिन्धुलीको गोलन्जोर गाउँपालिका ७ तल्लो बारामा यात्रुबाहक बस दुर्घटना भएको छ । दुर्घटनामा बसमा सवार २५ जना यात्रु घाईते भएका छन ।
महोत्तरीको बर्दीबासबाट काठमाडौं तर्फ जाँदै गरेको ००१–०१–१७३२ नम्बरको पर्यटकीय बस दुर्घटना भएको हो ।
बसमा ग्लोबल आईएमी बैंकका कर्मचारी रहेको गोलन्जोर गाउँपालिका ७ सिन्धुलीका वडा अध्यक्ष रेगनराज थापाले जानकारी दिए ।
उनिहरू बैंकको तालिममा सहभागी भएर बर्दीबासबाट फर्कदै थिए । घुमउरो सडकमा विपरीत दिशाबाट आएको स्कुटरलाई जोगाउँन खोज्दा दुर्घटना भएको अनुमान गरीएको छ । घाईतेको उद्धारकार्य जारी छ । दुर्घटनाका घाईतेको खुर्कोट स्थित शुभजिवन अस्पताल र सुनकोसी सामुदायिक अस्पतालमा उपचारका लागी पठाईएको छ । दुर्घटनामा अहिले सम्म कुनै मानविय क्षेती नभएको सिन्धुलीका प्रहरी प्रमुख गोविन्द काफ्लेले जानकारी दिए ।
बस सडकबाट करीव ५० मिटर तल खसेको छ । घटना स्थलमा नेपाल प्रहरी, शसस्त्र प्रहरी, जनप्रतिनिधि र स्थानीय उद्धारमा खटिएका छन । घटनाको बिवरण आउन बाँकी छ ।
