सिन्धुली दुर्घटनाका घाइतेलाई हेलिकप्टर मार्फत काठमाण्डौं लगियो

सिन्धुली  । सिन्धुलीमा मोटरसाइकल दुर्घटना हुँदा गम्भीर घाइते भएका एक जनालाई थप उपचारका लागि काठमाण्डौं लगिएको छ ।
बिहिबार तिनपाटन गाउँपालिका २ भिमस्थान चोकमा ट्याक्टरले मोटरसाइकललाई ठक्कर दिदा गम्भीर घाइते भएका तिनपाटन गाउँपालिका १ चिसापानीका ४५ का नबराज काफ्लेलाई हेलिकप्टर मार्फत काठमाण्डौं लगिएको सिन्धुली प्रहरीले जनाएको छ ।
भिमस्थानबाट बेलघारी तर्फ आउदै गरेको प्रदेस २–०३–००१ त ५५२६ नम्बरको ट्याक्टरले बिपरित दिशा तर्फ जादै गरेको प्रदेस २–०२–००५ प ४७४३ नम्बरको मोटरसाईकललाई ठक्कर दिदा काफ्ले गम्भिर घाईत भएका थिए ।
उनको सिन्धुली अस्पतालमा सामान्य उपचार पछि थप उपचारको लागि फिस्टेलएयरको हेलिकप्टरद्धारा नेपाल मेडिसिटी अस्पताल सिन्धुलीका प्रहरी प्रमुख गोविन्द काफ्लेले जानकारी दिए ।
ट्याक्टर र चालकलाई नियन्त्रणमा लिई प्रहरीले अनुसन्धान सुरु गरेको समेत बताइएको छ ।