सिन्धुली । सुख्ख क्षेत्रका कारण खानेपानीको समस्या झेल्दै आएका सुनकोसी गाउँपालिका ५ खनियाखर्कमा घरघरमै पानीको धारा झरेपछि स्थानीय दंग परे ।
सुनकोसी गाउँपालिका, साझेदार संस्था नेवा र स्थानीयको श्रमदानमा टंकी र घरघरमा निर्माण गरिएको धारामा पानी झरेपछि स्थानीय दंक परेका हुन ।
गाउँपालिकाको १६ लाख दुई हजार ९ सय १८ रुपैयाँ, नेवाको २६ लाख ४६ हजार ३ सय १८ रुपैयाँ र स्थानीय श्रमदान १४ लाख ९८ हजार ७ सय ५२ रुपैयाँ गरी कुल ५७ लाख ४७ हजार ९ सय ८८ रुपैयाँ उक्त धाराहरु निर्माण गरिएको हो ।
बुधबार सिन्धुली क्षेत्र नम्बर २ का प्रतिनिधि सभा सदस्य राजन दाहालको प्रमुख आतिथ्यतामा एक समारोहका विच उक्त धाराहरुमा खानेपानी संचालन गरिएको हो ।
उक्त आयोजना अन्तरगत ५१ वटा व्यक्तिगत धारा, एक वटा विद्यालयमा सार्वजनिक धारा, एक वठा इन्टेक, होरिडोन्टल राफिङ फिल्टर एक वटा, स्लो सेण्ड राफिङ फिल्टर एक वटा, फेरोसिमेन्ट डिटीआरथिटी ४ वटा, आरभिटि एक वटा र स्टोन मेसिनरी डिटी एक वटा निर्माण गरिएको छ ।
सफा र स्वच्छ समुदाय घोषणा तथा खानेपानी तथा सरसफाई आयोजनाको उद्घाटन गर्नु हुँदै सांसद दाहालले स्थानीय सरकार, स्थानीय बासिन्दा र दातृनिकायको सहयोगमा घरघरमा खानेपानीको पहुँच पु¥याउन सफल भएको बताउनु भयो ।
कार्यक्रममा प्रतिनिधि सभा सदस्य दाहाल, गाउँपालिका अध्यक्ष दिपा बोहोरा दाहाल, वडा नम्बर ५ का वडा अध्यक्ष सुरथ बसेल लगायतको उपस्थिती रहेको थियो ।
घरघरमा खानेपानीको धारा संचालनमा आएपछि स्थानीय खुसी भएका छन ।
