३२ साउन, सिन्धुली । न्यू सिद्धस्थली युवा क्लब सिन्धुलीको आयोजनामा साउन २९ गते देखि सुरु भएको खुुला ब्याडमिन्टन प्रतियोगिता आज सम्पन्न भएको छ ।
स्वास्थ्यका लागि खेलकुद, राष्ट्रका लागि खेलकुद भन्ने नाराका साथ सुरु भएको प्रतियोगितामा सबै खेलहरु मेन्स डबल अन्तर्गत रहेको थियो । प्रतियोगिताको फाइनल खेल शुक्रराज थिङ्ग र निरज गुरुङ्गको जोडिसंग शंकर दियाली र शिव खत्रीको जोडिबीच भएको थियो जसमा थिङ्गको जोडिले २–० को साझो सेटमा आफ्ना प्रतिद्धन्दिलाई पराजित गरेका थिए । त्यसैगरी सोम श्रेष्ठ र दिपक पोखरेल तथा विष्णु ढुङ्गेल र रवि पुलामीको जोडिलाई संयुक्त तृतीय घोषणा गरिएको थियो ।
प्रतियोगिताको फाइनल खेल कमलामाई नगरपालीका–६, रातमाटामा भएको थियो । प्रतियोगितामा प्रथम हुने टिमले रु.२०,००० नगद सहित प्रमाणपत्र र मेडल प्राप्त गरेको छ । प्रतियोगिताका द्धितीय तथा तृतीय हुनेले क्रमशः नगद रु.१०,०००, रु.२५०० प्रमाणपत्र तथा मेडल प्राप्त गरेका छन ।
विजयी हुने खेलाडिहरुलाई कमलामाई नगरपालीका वडा नंं–६ का वडा अध्यक्ष उज्वल थापाले नगद, प्रमाणपत्र तथा मेडल वितरण गरेका थिए । साथै सहयोगि दाताहरुलाई मायाको चिनो समेत प्रदान गरिएको थियो ।
कार्यक्रममा जिल्ला ब्याडमिनटन संघका अध्यक्ष दिपेन्द्रध्वज बस्नेत, सचिव सोम श्रेष्ठ, कमलामाई नगरपालीकाका कार्यपालीका सदस्य राजन भुजेल, समाजसेवी गोकर्ण सुवेदी, लेखबहादुर थापा, प्रदेश युवा परिषद सिन्धुलीका अध्यक्ष हेम कार्की लगायत उल्लेखनिय सहभागिता रहेको थियो ।
प्रतियोगितामा ३८ वटा टिमका ७६ जनाले सहभागिता जनाएका थिए ।
