सिन्धुलीमा लागु औषध गांजा सहित चालक पक्राउ

सिन्धुली । सिन्धुलीमा लागु औषध गांजा सहित बोलेरो चालक पक्राउ परेका छन् ।
पक्राउ पर्नेमा गरुडा नगरपालिका ४ रौतहट बस्ने वर्र्ष १९ को गोपाल साह रहेका छन् । उनलाई सिन्धुलीको हरिहरपुरगढी स्थित झनझने प्रहरी चेकपोष्टका प्रहरी नायव निरिक्षक प्रकाश भण्डारीको कमाण्डमा खटिएको प्रहरी टोलीले चेकजाँच गर्ने क्रममा पक्राउ गरिएको हो ।
शुक्रबार बिहान चार बजेको समयमा प्र.२–०३–००१ च. ५६७१ नं. को पिकअप गाडीमा १ सय ७ किलो गाँजा सहित शाहलाई पक्राउ गरिएको सिन्धुलीका प्रहरी प्रवक्ता सुर्य प्रकास सुवेधीले जानकारी दिए ।
मदन भण्डारी राजमार्गमा अन्तरगत हरिहरपुरगढी गाउँपालिका २ स्थित झनझनेमा प्रहरीले चेकजाँच गर्नेक्रममा सिमेन्टको बोरोमा प्याक गरेको ७ पोको गाँजा प्रहरीले बरामद गरेको थियो ।
उक्त गाँजाको तौल १ सय ७ किलो ११ ग्राम रहेको बताइएको छ । बरामद भएको गाँजा र चालकलाई जिल्ला प्रहरी कार्यालय सिन्धुली ल्याएर विस्तृत अनुसन्धान अगाडि बढाइएको प्रहरीले जनाएको छ ।