दुम्जाका बाढी प्रभावित बटुकहरुलाई भगवती माविको सहयोग

११ कार्तिक, सिन्धुली । गत असोज ११ गतेदेखि परेको अविरल वर्षाका कारण आएको बाढीबाट प्रभावित सिन्धुलीको सुनकोशी गाउँपालिका १ कुशेश्वर दुम्जाका बटुकहरूलाई भगवती अंग्रेजी आवासीय मावि सिन्धुलीले सहयोग प्रदान गरेको छ। शनिबार कुशेश्वर दुम्जामा रहेको गुरुकुलमा अध्ययनरत २६ जना बटुकसहित गुरुहरूका लागि भगवती माविले खाद्यान्न तथा स्टेशनरी सहयोग प्रदान गरेको हो। भगवती अंग्रेजी आवासीय विद्यालयका प्रिन्सिपल कृष्णकुमार उप्रेतीका अनुसार बाढी प्रभावित गुरुकुलका बालबालिकाहरू खानासमेत खान समस्या भएको खबर प्राप्त भएपछि विद्यालयले गुरुकुलमानै पुगेर सहयोग गरेको हो। उनका अनुसार गुरुकुलका विद्यार्थीहरूका लागि भगवती माविले २० बोरो चामल, ७० दर्जन कपी, ७० दर्जन कलम, ३ काटुन तेल, २ बोरा दालमोठ, २ काटुन…

सिन्धुली । ग्यालेक्सी एक्सिलेन्स अवार्ड सिजन– तिन, २०२४ बाट उत्कृष्ट अवार्ड पाएसंगै मरिण गाउँपालिकाका अध्यक्ष विमर्श मोक्तान प्रख्यातको चर्चा चुलिएको छ । सुशासन तथा गुणस्तरीय सेवा प्रवाह गर्ने पालिकामध्ये देशैभरबाट पहिलो पालिका बनेपछि अध्यक्ष मोक्तानलाई ग्यालेक्सी एक्सिलेन्स अवार्ड सिजन– तिन २०२४ वाट सम्मान गरिएको थियो । स्थानीय स्तरमा उत्कृष्ट सेवा प्रवाह, वित्तीय सुशासन जोखिम मूल्याङ्कनमा ९७ दमलव ५ अंक प्राप्त गरी न्यून वित्तीय जोखिम र स्थानीय तह संस्थागत क्षमता स्वमुल्यांकनमा ९४ दशमलव ७५ अंक प्राप्त गरी मरिण देश भरका गाउँपालिका मध्येबाट उत्कृष्ट बनेको थियो । यो अवार्ड प्राप्त गरेसंगै अध्यक्ष मोक्तानलाई बधाईको ओइरो आउन थालेको छ । सोही क्रममा अध्यक्ष…

सिन्धुली । सिन्धुलीको सुनकोसी गाउँपालिका १ दुम्जाबाट चोरीको मोटर साइकल सहित दुई पक्राउ परेका छन् । बिपी राजमार्गस्थित सुनकोशी गाउँपालिका १ दुम्जामा चेक जाँच गर्नेक्रममा चोरीको मोटरसाइकल सहित रौतहटको बोधिमाई नगरपालिका १ बस्ने १९ वर्षीय बिशम्बर साह कलवार र रौतहटको बोधिमाई नगरपालिका ८ का १८ वर्षका सुरज कुमार गोसाईलाई प्रहरीले पक्राउ गरेको हो । काठमाडौँबाट सिन्धुली आउँदै गरेको बा.प्र.०२–०२७ प १३७६ नम्बरको मोटरसाइकल चेकजाँच गर्दा उक्त मोटरसाइकल चोरी भएकाले नियन्त्रणमा थप अनुसन्धानको लागी ललितपुरको प्रहरी वृत्त सात दोबाटो पठाइएको जिल्ला प्रहरी कार्यालय सिन्धुलीका डिएसपी अनिल कुमार खड्काले जानकारी दिए ।

सिन्धुली । नेकपा माओवादी केन्द्र सिन्धुलीका जिल्ला कमिटि सदस्य नरबहादुर रजनमगर एमाले पार्टीमा प्रवेश गरेका छन् । बुधबार सिन्धुलीमाढीमा आयोजित एक कार्यक्रमका विच रजनमगर एमालेमा प्रवेश गरेका हुन् । माओवादी केन्द्र सिन्धुलीका नेता रजनमगरलाई एमाले स्थायी कमिटी सदस्य तथा बागमती प्रदेश इन्चार्ज डा.राजन भट्टराईको हातबाट टिका ग्रहण गर्दै एमालेमा प्रवेश गराइएको हो । रजनमगर माओवादी केन्द्र सिन्धुली जिल्ला कमिटी सदस्य तथा सहिद दलबहादुर रजनमगरको छोरा हुन् । यस्तै राप्रपा नेपाल पार्टीका फडिन्द्र बहादुर ठकुरी पनि एमाले प्रवेश गरेका छन् । तीनकन्याका ठकुरीले राप्रपा नेपाल परित्याग गर्दै एमाले प्रवेश गरेका हुन् । नव प्रवेशीहरुलाई नेकपा एमालेमा प्रवेश गराउँदै कार्यक्रमका प्रमुख अतिथि…

हेटौँडा । बागमती प्रदेशकी उद्योग, वाणिज्य भूमि तथा प्रशासन मन्त्री सुक माया तामाङले मन्त्रालयका सम्पूर्ण सेवाहरू प्रविधिमैत्री बनाउँदै लैजाने बताएकी छिन् । मन्त्रालयको पहिलो वार्षिकोत्सवको अवसरमा मन्त्रालयको सेवासम्बन्धी जानकारीमूलक डिजिटल डिस्प्ले उद्घाटन गर्दै उनले सो कुरा बताएकी हुन् । उनले मन्त्रालयको कार्य जिम्मेवारी अनुरूप सम्पादन गर्नुपर्ने कार्यहरूलाई आर्थिक अनुशासन कायम गर्दै सर्वसाधारणले पाउनुपर्ने सेवा सुबिधा छिटो, छरितो एवम् प्रभावकारी र कुशलतापूर्वक सञ्चालन गर्न उत्साहजनक सहभागिता र सहयोगका लागि उनले कर्मचारीको प्रशंसा गरिन् । व्यापार र उद्योगको क्षेत्रमा, व्यापार सम्बन्धि नीति, कार्यक्रम, कानुन, मापदण्ड, योजना तर्जुमा र कार्यान्वयनका लागि प्रचलित ऐन नियमको परिधिमा रही मन्त्रालय र अन्तर्गत कार्यालयहरूमा कार्यरत जनशक्तिबाट संरचनागत…

सिन्धुली  । सिन्धुली प्रहरीले ठुलो क्षेत्रफलमा लगाइएको अबैध गाँजाको व्याड र वेर्ना नष्ट गरेको छ । जिल्ला प्रहरी कार्यालय सिन्धुलीका प्रहरी प्रमुख (प्रहरी उपरिक्षक) गोविन्दराज काफ्लेका अनुसार हरिहरपुरगढी गाउँपालिका ७ क्यानेश्वरमा ८ कठ्ठा दश धुर क्षेत्रफलमा लगाइएको गाँजाको व्याड र वेर्ना नष्ट गरिएको हो । ‘इलाका प्रहरी कार्यालय मरिणबाट खटिएको प्रहरी निरिक्षक सहितको टोलिले हरिहरपुरगढी गाउँपालिका ७ स्थित क्यानेश्वर, वन्चरेडाँडा लगायतका विभिन्न स्थानहरुमा अन्दाजी ८ कठ्ठा १० धुर क्षेत्रफलमा अवैध रुपमा लगाईएको गाँजाको व्याड, वेर्नाहरु फेला पारी नष्ट गरिएको छ,’ काफ्लेले भने । प्रहरीका अनुसार अबैध गाँजा खेति गर्नेहरुभने कसैलाई पनि नियन्त्रणमा लिइएको छैन । यस्ता स्थानमा स्थानीयको जग्गा भाडामा…

सिन्धुली । सिन्धुलीको मरिण गाउँपालिकामा गुणस्तरीय शिक्षाका लागि खुल्ला बहस गरिएको छ । पछिल्लो समय सामुदायिक विद्यालयको शैक्षिक अवस्था खस्किदै गएको सन्दर्भमा विद्यार्थी संगठनको आयोजनामा गुणस्तरिय शिक्षाका लागि बहस गरिएको हो । शुक्रबार अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) मरिण गाउँकमिटिको आयोजनामा सरोकारवालाहरुसंग अन्तरक्रिया तथा खुल्ला बहस गरिएको हो । कार्यक्रममा संघिय सांसद, मरिण गाउँपालिकाका अध्यक्ष, शिक्षा शाखा प्रमुख, राजनितिक दल, विद्यार्थी संगठन तथा शिक्षक र विद्यालय व्यवस्थापन समितिका अध्यक्षहरुको सहभागिता रहेको थियो । कार्यक्रममा प्रमुख अतिथि प्रतिनिधि सभा सदस्य राजन दाहालले सामुदायिक विद्यालयमा शैक्षिक सुधार हुन नसक्नुमा मुख्यकारण ५३ वर्ष पुरानो शिक्षा ऐन भएको बताए । ‘हामी अहिले…

३२ साउन, सिन्धुली । न्यू सिद्धस्थली युवा क्लब सिन्धुलीको आयोजनामा साउन २९ गते देखि सुरु भएको खुुला ब्याडमिन्टन प्रतियोगिता आज सम्पन्न भएको छ । स्वास्थ्यका लागि खेलकुद, राष्ट्रका लागि खेलकुद भन्ने नाराका साथ सुरु भएको प्रतियोगितामा सबै खेलहरु मेन्स डबल अन्तर्गत रहेको थियो । प्रतियोगिताको फाइनल खेल शुक्रराज थिङ्ग र निरज गुरुङ्गको जोडिसंग शंकर दियाली र शिव खत्रीको जोडिबीच भएको थियो जसमा थिङ्गको जोडिले  २–० को साझो सेटमा आफ्ना प्रतिद्धन्दिलाई पराजित गरेका थिए । त्यसैगरी सोम श्रेष्ठ र दिपक पोखरेल तथा विष्णु ढुङ्गेल र रवि पुलामीको जोडिलाई संयुक्त तृतीय घोषणा गरिएको थियो । प्रतियोगिताको फाइनल खेल कमलामाई नगरपालीका–६, रातमाटामा भएको…

सिन्धुली । सिन्धुलीको कमलामाई नगरपालिका २ चियाबारी नजिकै डबल क्याप बोलेरो दुर्घटना हुँदा तीन जनाको मृत्यु भएको छ । मृत्यु हुनेमा गोलन्जोर गाउँपालिका ६ हैबारका पृथ्वी भुजेल, सोही वडाको नाकाजोलीका उदय बहादुर मस्राङ्गी मगर र पवन मस्राङ्गी मगर रहेका छन् । बीपी राजमार्गको सिन्धुलीमाडी खुर्कोट खण्ड अन्तर्गत चियाबारी नजिक बिहीबार भएको बोलेरो दुर्घटनामा परि पृथ्वी र उदयको घटनास्थलमै मृत्यु भएको हो । पवनको सिन्धुली अस्पतालमा उपचारका क्रममा मृत्यु भएको सिन्धुलीका प्रहरी प्रमुख गोविन्दराज काफ्लेले जानकारी दिए । मृतक उदय गोलन्जोर गाउँपालिका ६ का निर्वाचित वडा सदस्य समेत हुन् । गोलन्जोर गाउँपालिकाको ६ को हैबार नाकाझोलीबाट सिन्धुली सदरमुकाम माढीबजार तर्फ आउँदै…